::: چیرۆكی ژیانم:

به‌ نۆ مانگی هاتومه‌ته‌ دنیاوه‌
به 15 ساڵی یه‌كه‌م هۆنراوه‌ی خۆشه‌ویستم نووسیوه
به‌ 17 ساڵی ئه‌ڤیندار بووم
له‌ هه‌مان ساڵیشدا دڵیان شكاندم
به‌ 18 ساڵی ماڵئاوایم له گه‌نجێتی كرد
به‌ 19 ساڵیش پیر بووم!

::: به‌ پرچی لولی یارم وا دیاره‌
هه‌زاری وه‌ك منی داوه‌ له‌ سێداره‌
له‌ بێ ده‌نگی سه‌رنجه‌كانیشیدا، دیاره‌ قه‌راره‌
ئیمشه‌و دڵی ماندووم وێل بێت له‌م كۆساره‌!

ئه‌مه‌ باسی من ئه‌ی تۆ؟

::: هه‌موو مرۆڤێك كه‌ هه‌نگاوێكی نوێ ده‌نێت... هه‌ڵبه‌ته‌ ده‌بێت ڕابووردوێك هه‌بووبێت تاوه‌كو ناچاری بكات بۆ گۆڕینی هه‌نگاوی.. لێره‌دا منیش ده‌ستم كرد به‌ كردنه‌وه‌ی ئه‌م وێب بلاگه‌ تا وه‌ك و هه‌موو مرۆڤێكی ئازاد بتوانم هه‌ست و نه‌ستی داماوم به‌ مرۆڤه دڵ خۆشه‌كان ئاشنا بكه‌م. گه‌ر ببپرسیت ده‌بێت ڕابوردوو چی بووبێت كه‌ منی ناچار كرد بۆ ئه‌م هه‌‌نگاوه، ته‌نها ده‌توانم بڵێم ئه‌م پارچه هۆنراوه‌یه‌یه‌. لێردا ده‌زانم كه‌ ووشه‌كانم زۆر سه‌یر و له‌وانه‌شه‌ بێ مانا بن. به‌ڵام گه‌ر لێیان تێ بگه‌یت.. ده‌بێت هه‌نسكێكی قوڵ هه‌ڵكێشیت.. گه‌ر ناش..ئه‌وا ده‌بێت قای قای پێكه‌‌نیت بتگرێت!

یادێك
له تاو بێزاری ژیانی ناسۆرم
سه رم خسته سه ر نامه ی جارانت
به هیوای بینینی ووشه ی گیان
له سه ر لا په ڕه ی ژاكاوت
هێنده م نه كرد چاو بڕكێ
له گه ڵ ووشه سارده كانت
كه بینیم ووشه ی ماڵئاوا
له سه ر دوا دێڕی نامه ی بێ ناونیشانت
هه ستم كرد ئه و كات
خۆشه ویستی نه خۆ شی یه كی زامدار بوو
دڵی منی پێك دابوو
له سه ر گه ردوونی ئه م عیشقه كۆنه
وه فاو ژانی له یه ك گیر نابوو

::: جارو بار سه‌یری ده‌ورو پشتم ده‌که‌م ده‌ڵێم گه‌ر ئه‌مه‌ ڕاستی بێت ده‌بێت خه‌یاڵ چی بێت؟ به‌خه‌یاڵ بێت ده‌بێت شیعر قسه‌ی ڕۆژانه‌ بێت و شه‌ڕه‌ جوێنیش ووشه‌ی شیعر! هه‌ر جارو باریشه‌ ده‌ڵێم به‌ خۆم قسه‌ی قۆر هه‌تیو! یه‌كێك گوێی له‌م قسه‌ هه‌له‌ق و مه‌له‌قانه‌ بێت به‌ حه‌یاتی ژنیت ناداتێ!. به‌ڵام له‌ هه‌مان كاتیشدا ده‌ڵیم نابێت ئه‌مه‌! ده‌بێت كه‌سێك هه‌بێت وه‌ڵامی ئه‌م پرسیاره‌ی لا بێت.
شه‌وانه‌ خه‌و ده‌بینم.. له‌ خه‌وه‌که‌مدا له‌ باوه‌شی كیژێكم ده‌ڵێت پێم 'خۆشم ده‌وێیت به‌قه‌د ناسكی خۆشه‌ویستیمان'. كه‌ به‌یانیان له‌ خه‌و ڕاده‌په‌ڕم ده‌ڵێم ئه‌ڵا له‌و خه‌وه خۆشه‌! به‌ڵام له‌هه‌مان كاتیشدا ده‌ڵێم ئه‌ی ئه‌مه‌ بۆ ڕاستی نه‌بێت؟ لێره‌دا هه‌ڵبه‌ته کێشه‌كه‌م ڕوونه‌ ..تۆ بڵێی ووشه‌یه‌ك هه‌بێت له‌ ڕاستیدا به‌ ناوی 'خۆشه‌ویستی ڕاسته‌قینه'؟ من باوه‌ڕ ناكه‌م ئه‌ی تۆ؟